ਕਾਇਆ ਦਾ ਸਫ਼ਰ
‘ਮੈਂ’ ਰੂਹ ਤੇ ‘ਤੂੰ’ ਜਿਸਮ
ਦੋਹਾਂ ਦੇ ਮੇਲ ਤੋਂ ਬਣਦੀ ਕਾਇਆ
ਕਾਇਆ ਹੱਸਦੀ ਹੈ,ਖੇਡਦੀ ਹੈ
ਨੱਚਦੀ ਹੈ,ਗੁਣਗੁਣਾਉਂਦੀ ਹੈ
ਸੱਧਰਾਂ ਸਜਾਉਂਦੀ ਹੈ
ਸਿਰਜਦੀ ਹੈ ਤੇਰੇ ਤੇ ਮੇਰੇ ਮੇਲ ਤੋਂ
ਇਕ ਹੋਰ ਕਾਇਆ
ਖਿਡਾਉਂਦੀ ਹੈ,ਦੁਲਾਰਦੀ ਹੈ
ਹਸਾਉਂਦੀ ਹੈ ਉਸ ਕਾਇਆ ਨੂੰ
ਕਾਇਆ ਦਾ ਸਫਰ ਅਗਮ ਵੱਲ
ਨਿਰੰਤਰ ਜ਼ਾਰੀ ਰਹਿੰਦਾ ਹੈ ਤੇ
ਤੇਰੇ ‘ਚੋਂ ਮੈਂ ਨਿਕਲਣ ਤੇ
ਪੂਰਾ ਹੁੰਦਾ ਹੈ,ਇਹ ਸਫਰ ਤੇ
ਤੇ ਮਿਲ ਜਾਂਦੀ ਹੈ ਕਾਇਆ
ਅਗਮ ਤੇ ਅਗੋਚਰ ਵਿੱਚ
ਗੁਰਵਿੰਦਰ ਸਿੰਘ( ਸਹਾਇਕ ਪ੍ਰੋਫੈਸਰ)
ਜੀ.ਐੱਚ.ਜੀ.ਖਾਲਸਾ ਕਾਲਜ ਆਫ ਐਜ਼ੂਕੇਸ਼ਨ
ਗੁਰੂਸਰ ਸੁਧਾਰ, ਲੁਧਿਆਣਾ
(09-03-2014)
No comments:
Post a Comment
meri boli meri pehchaan eh blog uhna saria layi hai jo maa boli nu piar krde han